CƏMİYYƏT


Ermənistan baş nazirinin müavini Azərbaycan ilə sərhədlərin delimitasiya və demorkasiyasına başlamağı dəstəkləyir

Tbilisi, 17 sentyabr, AZƏRTAC

Ermənistanın daha bir vəzifəli şəxsi Azərbaycan ilə sərhədlərin delimitasiya və demorkasiyasının başlanmasına tərəfdar olduğunu bəyan edib.

AZƏRTAC Ermənistan mətbuatına istinadla xəbər verir ki, baş nazirin müavini Mqer Qriqoryan Azərbaycanla sərhədlərin delimitasiya və demarkasiya prosesinə başlamağın tərəfdarı olduğunu bildirib.

M.Qriqoryan bunu Rusiya Xarici İşlər Nazirliyinin sözçüsü Mariya Zaxarovanın Ermənistan ilə Azərbaycan arasında sərhəd probleminin həlli ilə bağlı açıqlamasına cavabında deyib.

O bildirib ki, Azərbaycan ilə sərhədlərin delimitasiyası və demorkasiyası məsələsi beynəlxalq tərəfdaşları da maraqlandırır və onlar da sərhədlərin tezliklə müəyyən olunmasını istəyirlər.

“Bu bizim üçün də çox vacib məsələdir və biz bu prosesə başlamalıyıq” – deyə, M.Qriqoryan vurğulayıb.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.