DÜNYA


Ermənistan müxalifəti İrəvanda etiraz yürüşünə başlayıb

Bakı, 6 may, AZƏRTAC

İrəvanda bir qrup etirazçı Fransa meydanından Qələbə parkına doğru yürüşə başlayıb. Yürüşün sonrakı marşrutu barədə konspirasiya məqsədilə məlumat verilmir.

AZƏRTAC Ermənistan mediasına istinadla xəbər verir ki, yürüşdə minə yaxın insan iştirak edir. Polis yürüşü müşayiət etsə də, etirazçılara mane olmur.

Bir müddət öncə parlamentin müxalif “Ermənistan” fraksiyasından olan vitse-spikeri İşxan Saqatelyan etirazçıların cümə günü dörd böyük qrupla itaətsizlik nümayişi keçirərək paytaxtı iflic vəziyyətinə salmağa hazırlaşdığını bildirib.

Qeyd edək ki, aprelin 25-dən etibarən Ermənistanda müxalifətin miqyaslı etiraz aksiyaları keçirir. Etirazçılar hakimiyyətin apardığı siyasətin dövlətçiliyin itirilməsi ilə nəticələnə biləcəyindən narahatdır.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.