CƏMİYYƏT


Etibar Mirzəyev: "Sobsan” boya fabrikində baş vermiş yanğının qarşısının alınmasına 300-ə qədər canlı qüvvə və 50-dən artıq texnika cəlb olunub

Bakı, 5 iyul, AZƏRTAC

Binəqədi rayonu ərazisində yerləşən “Sobsan” boya fabrikində baş vermiş yanğının qarşısının alınmasına 300-ə qədər canlı qüvvə və 50-dən artıq texnika cəlb olunub.

AZƏRTAC xəbər verir ki, bunu Fövqəladə Hallar nazirinin müavini general-leytenant Etibar Mirzəyev bildirib.

E.Mirzəyev qeyd edib ki, yanğın məhdudlaşdırılıb, yayılma təhlükəsi yoxdur: “Hadisə zamanı 6 nəfər müxtəlif dərəcəli xəsarət alıb, onlardan 5-i Fövqəladə Hallar Nazirliyinin əməkdaşı, biri mülki şəxsdir. Onlardan bəzilərinə ambulator yardım göstərilib və həmin əməkdaşlar öz iş yerlərinə qayıdıblar. İlkin məlumata görə, yanğın 2500-3000 kvadratmetr ərazini əhatə edib. Yanğın ərazisində boya, aseton və digər tez alışan maddələr olub. Yaxınlıqdakı yaşayış evləri yanğından mühafizə olunub”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.