MƏDƏNİYYƏT


“Euronews” V Ümumdünya Mədəniyyətlərarası Dialoq Forumuna həsr olunan reportaj yayımlayıb

Bakı, 10 may, AZƏRTAC

“Euronews” kanalında Bakıda keçirilən V Ümumdünya Mədəniyyətlərarası Dialoq Forumuna həsr olunan reportaj yayımlanıb.

AZƏRTAC xəbər verir ki, reportajda 2 gün ərzində Forumda müzakirə olunan məsələlər və dünyanı narahat edən problemlərin çözülməsi istiqamətində aparılan müzakirələrə toxunulub. Vurğulanıb ki, Azərbaycanın paytaxtı Bakıda keçirilən Ümumdünya Mədəniyyətlərarası Dialoq Forumu bir-birimizlə sadəcə ünsiyyətdə olmaqla sülhə necə dəstək göstərilməsini aydınlaşdırmağa çalışıb.

Videomaterialda qeyd edilir ki, Foruma 35 beynəlxalq təşkilatı və 100-dən çox ölkəni təmsil edən 500-dən çox qonaq qatılıb.

Reportajda Azərbaycan Prezidenti İlham Əliyevin də Forumda iştirakı vurğulanır.

Qeyd edilir ki, Bakı forumunda ayrı-ayrı ölkələrdə ekstremizmlə mübarizə, dini, etnik zəmində münaqişələrin aradan qaldırılması, gənclərin bu işdə fəal rolu və beynəlxalq ictimaiyyəti narahat edən digər aktual məsələlərlə bağlı məhsuldar və səmərəli müzakirələr aparılıb. Eyni zamanda, Forumda dini və etnik tolerantlıq kimi mühüm məsələlər diqqət mərkəzində olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.