CƏMİYYƏT


Ev şəraitində öskürəyə qarşı tətbiq edilən ən effektiv vasitələr

Bakı, 27 noyabr, AZƏRTAC

Bal, çobanyastığı, duz, kəsmik - bu və digər vasitələr ev şəraitində öskürəyə qarşı çox təsirli ola bilər.

AZƏRTAC tibbi saytlara istinad edərək öskürəyə qarşı ev şəraitində istifadə edilən müalicə üsullarını diqqətinizə çatdırır.

Bal ilə süd. Südə bal əlavə olunarsa öskürəyi azaldır. Yatmadan əvvəl qəbul edildikdə yaxşı yuxu gətirir.

Soğan suyu. Ən təsirli digər ev vasitəsidir. Təzə soğanın sıxılmış suyu bir az bal ilə qarışdırılmalı və qəbul edilməlidir.

Duzlu buxar. İsti, nəmli və duzlu havada nəfəs almaq bronxların patogenlərdən daha təsirli şəkildə qurtulmasına kömək edir. Bir litr isti suya təxminən on qram duz əlavə edin. Başınıza bir dəsmal bağlayın və buxarı yavaşca nəfəs alın.

Mayenin qəbul edilməsi. Boğaz və bronx qişasına qan axını stimullaşdırmaq üçün öskürək olduqda kifayət qədər maye içmək vacibdir. Bitki çayları, bəlğəmin incəldilməsi və öskürəyin asanlaşdırılması üçün idealdır.

Çobanyastığı. Xırıltılı səs və öskürək zamanı tənəffüs yollarını sakitləşdirən iltihab əleyhinə təsirə malik yağ ehtiva edir.

Kəklikotu. Soyuqdəymə üçün ən məşhur dərman bitkilərindən biridir. Kəklikotu ilə çay və ya buxarın qəbulu boğaz ağrısı, burun tıkanıklığı üçün faydalıdır.

Bağayarpağı. Çay və ya şərbətdən asılı olmayaraq: bağayarpağı tənəffüs yoluxucu infeksiyanın səbəb olduğu bronx tıxanması üçün təsirli təbii vasitədir.

Adaçayı. Adaçayı yarpaqlarında olan aktiv maddələr iltihabı ləngidir və boğazın selikli qişasını sakitləşdirir.

Nanə. Nanə efir yağının tərkibindəki maddələr başağrısını aradan qaldırır və selikli qişalar infeksiya səbəbindən şişdikdə hava yollarını azad edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.