REGİONLAR
Ev təsərrüfatları üçün kiçikölçülü traktorlar istehsal olunacaq
Bakı, 31 may, AZƏRTAC
“Ərzaq məhsullarının tədarükü və təchizatı" Açıq Səhmdar Cəmiyyəti Çin Xalq Respublikasının dövlət koorporasiyası olan “YTO GROUP” ilə Qusar rayonunda ev təsərrüfatları üçün kiçikölçülü traktorların istehsalı üzrə memorandum imzalayıb.
Cəmiyyətdən AZƏRTAC-a bildiriblər ki, memoranduma əsasən, ildə 800 ədəd traktor istehsal edilərək sərfəli lizinq qiymətləri ilə ev təsərrüfatlarına satılacaq.
Həmçinin mədəni əkinçilik prinsiplərinin tətbiqi, hektardan götürülən məhsuldarlığın yüksəldilməsi məqsədilə Səhmdar Cəmiyyət Rusiyanın "Evroxim" şirkəti ilə əməkdaşlığa başlayıb. Bu əməkdaşlıq nəticəsində suda tez həll edilərək bitkinin vegetasiyasını sürətləndirən mineral gübrələrin əlverişli şərtlərlə fermer təsərrüfatlarının təminatına yönəldilməsi planlaşdırılır.