“Expressbank” iyul ayının nəticələrini açıqlayıb

Bakı, 21 avqust (AZƏRTAC). Avqustun 1-nə olan məlumata görə, “Expressbank”ın aktivləri 281 milyon manat təşkil edib. Müştərilərə verilən kreditlərin həcmi isə 40,2 milyon manat və ya 25 faiz artaraq 201,1 milyon manata çatıb.

Bankdan AZƏRTAC-a bildirilib ki, bu müddət ərzində müştəri depozitlərinin həcmi 125,8 milyon manat, əhalinin əmanətlərinin həcmi 49,6 milyon manat təşkil edib. Ötən ilin müvafiq dövrü ilə müqayisədə bu göstərici 39,4 faiz çoxdur.

Bankın nizamnamə kapitalı isə 112,3 milyon manat təşkil edib.