“Expressbank” yeni “Mükafat” əmanətini təqdim edib

Bakı, 2 sentyabr (AZƏRTAC). Əmanətlərin Sığortalanması Fondu qorunan əmanətlər üzrə illik faiz dərəcəsinin yuxarı həddini 9 faizə endirdikdən sonra “Expressbank” yeni “Mükafat” əmanətini təqdim edib.

Bankdan AZƏRTAC-a bildirilib ki, müştərilər yeni əmanət növü üzrə vəsait yerləşdirməklə həm Əmanətlərin Sığortalanması Fondu tərəfindən sığortalanacaqlar, həm də daha çox gəlir əldə edə biləcəklər.

“Mükafat” əmanəti 1, 2, 3, 4 və 5 illik müddətə yerləşdirilə bilər. Əmanətin illik faiz dərəcəsi müddətdən asılı olmayaraq 9 faiz təşkil edir. Müştərilərinin istəyindən asılı olaraq faizlər aylıq və ya müddətin sonunda ödənilə bilər. Əmanət hesabı açmaq üçün minimum 500 manat tələb olunur.