İQTİSADİYYAT


FAO-nun baş direktoru Tərəvəzçilik Elmi-Tədqiqat İnstitutunun fəaliyyəti ilə tanış olub

Bakı, 7 may, AZƏRTAC

Azərbaycanda səfərdə olan BMT-nin Ərzaq və Kənd Təsərrüfatı Təşkilatının (FAO) baş direktoru Qu Donqyu və Bakıda keçirilən “Gələcəyə baxış: Rəqəmsal kənd təsərrüfatına keçid” adlı beynəlxalq konfransın iştirakçıları Tərəvəzçilik Elmi-Tədqiqat İnstitutunun fəaliyyəti ilə tanış olublar.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildiriblər ki, qonaqlara institutda FAO-nun dəstəyi ilə həyata keçirilən “Azərbaycanda sağlam kartof toxumçuluğunun yaradılması” layihəsi barədə təqdimat keçirilib. Bildirilib ki, texniki yardım layihәsi çәrçivәsindә Tәrәvәzçilik Elmi-Tәdqiqat İnstitutunda müasir avadanlıqlarla tәchiz olunmuş Biotexnologiya Laboratoriyası yaradılıb. Laboratoriya (in vitro) vә müasir istixana şәraitindә kartofun toxuma kulturasından mәrhәlәli şәkildә virus xәstәliklәrindәn azad toxum materialı yetişdirilir vә tәsәrrüfatlarda artırılması istiqamәtindә lazımi tәdbirlәr görülmәkdәdir.

Laboratoriyada aparılan tәdqiqat işinin mәqsәdi virus xәstәliklәrindәn azad kartof toxumlarının alınması, iş prosesindә regenerat bitkilәrin vә mikroyumrulardan alınmış bitkilәrin ELISA üsulu ilә virusla sirayәtlәnmәsinin, in vitro şәraitindә müxtәlif kartof sortlarının hәm regenerat bitkilәrin, hәm dә mikroyumruların alınması vә onların istixana şәraitindә adaptasiya olunmasının öyrәnilmәsidir.

Qonaqlar Biotexnologiya Laboratoriyası, süni iqlim otağı, laminar otağı və qida mühitinin hazırlanması otağı, virusologiya laboratoriyası, kartof yumrularının yetişdirildiyi istixana kompleksi ilə tanış olublar.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.