SİYASƏT


FHN: Düşmən bölmələrinin artilleriya atəşi nəticəsində Ağdam və Tərtər rayonlarının bir sıra kəndlərində mülki obyektlər yanıb

Bakı, 28 sentyabr, AZƏRTAC 

Ermənistanın hərbi-siyasi rəhbərliyinin təxribatçı xislətindən irəli gələrək düşmənin silahlı qüvvələri beynəlxalq humanitar hüququn norma və prinsiplərini kobudcasına pozaraq əhalinin sıx yaşadığı yaşayış məntəqələrini, fərdi və çoxmənzilli binaları, o cümlədən mülki obyektləri ağır artilleriya qurğularından atəşə tutmaqda davam edir.

Fövqəladə Hallar Nazirliyinin mətbuat xidmətindən AZƏRTAC-a bildiriblər ki, nəticədə yanğınlar baş verir, dinc əhalinin əmlakına ciddi ziyan vurulur. Sentyabrın 28-də də Ermənistan qoşunlarının atdığı mərmilər nəticəsində Ağdam və Tərtər rayonlarının bir sıra kəndlərində mülki obyektlərdə yanğınlar baş verib. Fövqəladə Hallar Nazirliyinin dərhal hadisə yerlərinə cəlb olunan Dövlət Yanğından Mühafizə Xidmətinin müvafiq qüvvələri yanğınları qısa müddətdə söndürüblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.