İDMAN


FHN-in İdman Sağlamlıq Klubunun üzvləri beynəlxalq turnirdə uğurla çıxış ediblər

Bakı, 17 may, AZƏRTAC

Fövqəladə Hallar Nazirliyinin (FHN) İdman Sağlamlıq Klubunun üzvləri ümummilli lider Heydər Əliyevin xatirəsinə həsr olunmuş paracüdo üzrə beynəlxalq Qran-Pridə uğurla çıxış ediblər.

FHN-dən AZƏRTAC-a bildiriblər ki, Heydər Əliyev adına İdman Sarayında keçirilən turnirdə 48 kiloqram çəki dərəcəsində mübarizə aparan Şəhanə Hacıyeva birinci yeri tutub. Bundan başqa, 90 kiloqram çəki dərəcəsində isə Rövşən Səfərov gümüş medalla kifayətlənməli olub.

Yarışda idmançılara FHN-in İdman Sağlamlıq Klubunun məşqçi-müəllimi Fərid Ağakişiyev rəhbərlik edib.

Xatırladaq ki, turnirdə 36 ölkədən 214 paracüdoçu birincilik uğrunda mübarizə aparıb. Qaliblər 2020-ci ildə Tokioda keçiriləcək XVI Paralimpiya Oyunlarına lisenziya xalları qazanıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.