CƏMİYYƏT


FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti seminar-müşavirə keçirib

Bakı, 26 noyabr, AZƏRTAC

Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidməti Lənkəran Şəhər İcra Hakimiyyəti ilə birlikdə “Kiçikhəcmli gəmilərin təhlükəsiz istismarı” mövzusunda seminar-müşavirə keçirib.

FHN-in mətbuat xidmətindən AZƏRTAC-a bildiriblər ki, seminar-müşavirə kiçikhəcmli gəmilərin istismarı zamanı qəzaların qarşısının alınması və su obyektlərində insanların təhlükəsizliyinin təmin edilməsi üçün qabaqlayıcı-profilaktik tədbirlərin görülməsi məqsədilə təşkil olunub.

Tədbirdə Lənkəran Şəhər İcra Hakimiyyətinin, Dövlət Sərhəd Xidmətinin Sahil Mühafizəsinin, Ekologiya və Təbii Sərvətlər Nazirliyinin, Daxili İşlər Nazirliyinin məsul əməkdaşları və Lənkəran, Astara rayonlarının ərazisində fəaliyyət göstərən bir qrup kiçikhəcmli gəmi istifadəçiləri iştirak ediblər.

Seminar-müşavirədə çıxış edən FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin rəis müavini daxili xidmət polkovniki Fəxrəddin Məmmədov kiçikhəcmli gəmilərin qanunvericiliklə nəzərdə tutulmuş qaydada dövlət qeydiyyatına alınmasının və texniki baxışdan keçirilməsinin, habelə gəmi sürücüləri tərəfindən sürücülük vəsiqələrinin alınmasının vacibliyini qeyd edib, kiçikhəcmli gəmilərin təhlükəsiz istismarı ilə bağlı qabaqlayıcı-profilaktik tədbirlərin görülməsinin zəruriliyini vurğulayıb.

Xidmətin Kiçikhəcmli Gəmilərə və Bazalara Texniki Nəzarət şöbəsinin rəisi daxili xidmət mayoru Elçin Səfiyev gəmilərin təchizat avadanlıqları və təhlükəsizliyin təmin olunmasında əsas istiqamətlərdən danışıb, bu sahədə istifadə edilən qaydalar, təlimatlar, normativ-texniki sənədlər barədə iştirakçılara məlumat verib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.