CƏMİYYƏT


FHN-in Qarabağ Regional Mərkəzində mülki müdafiə kursları keçirilib

Bakı, 24 yanvar, AZƏRTAC 

Fövqəladə Hallar Nazirliyinin (FHN) Qarabağ Regional Mərkəzində “İnzibati ərazi dairəsi üzrə nümayəndələr” kateqoriyası üzrə növbəti mülki müdafiə kursları keçirilib.

FHN-dən AZƏRTAC-a bildiriblər ki, “2020-ci il üçün mülki müdafiə kurslarının komplektləşdirmə planı”na əsasən təşkil olunan kurslarda bu regiondakı rayonların inzibati ərazi dairələri üzrə nümayəndəliklərinin məsul şəxsləri iştirak ediblər.

Kurslarda əhalinin baş verə biləcək fövqəladə hadisələrdən mühafizə üsulları, fərdi və kollektiv mühafizə vasitələrindən istifadə qaydaları, idarəetmə orqanlarının əhalinin mühafizəsi sahəsindəki rol və vəzifələri, zərərçəkmişlərə ilk tibbi yardımın göstərilməsi, həmçinin mülki müdafiə qüvvə və vasitələrinin idarə olunması üzrə bacarıqların təkmilləşdirilməsi mövzularında məşğələlər keçirilib. Tədbirlərdə mövzulara aid fotoslayd və videoçarxlar nümayiş etdirilib, dinləyicilər xüsusi xilasetmə avadanlığı ilə yaxından tanış olublar.

Sonda kursları uğurla başa vurmuş dinləyicilərə şəhadətnamələr təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.