CƏMİYYƏT


FHN-in rəhbərliyi vətəndaşların qəbulunu keçirəcək

Bakı, 10 may, AZƏRTAC 

Fövqəladə Hallar Nazirliyinin (FHN) rəhbərliyi Göyçay, Kürdəmir və Ucar rayonlarında vətəndaşların qəbulunu keçirəcək.

FHN-dən AZƏRTAC-a bildiriblər ki, fövqəladə hallar naziri Kəmaləddin Heydərov tərəfindən mayın 14-də saat 11:00-dan Göyçay şəhərindəki Heydər Əliyev Mərkəzinin binasında Göyçay rayon sakinlərinin və həmin rayonda məskunlaşmış məcburi köçkünlərin qəbulu keçiriləcək. Qəbula gələn vətəndaşların qeydiyyatı mayın 13-də saat 09:00-dan Heydər Əliyev Mərkəzinin binasında başlayacaq.

Fövqəladə hallar nazirinin birinci müavini Rəfail Mirzəyev mayın 14-də saat 11:00-dan Kürdəmir şəhərindəki Dövlət Yanğından Mühafizə Hissəsinin inzibati binasında Kürdəmir rayon sakinlərinin və həmin rayonda məskunlaşmış məcburi köçkünlərin qəbulunu keçirəcək. Qəbula gələn vətəndaşların qeydiyyatı mayın 14-də saat 09:00-dan etibarən Dövlət Yanğından Mühafizə Hissəsinin inzibati binasında aparılacaq.

Fövqəladə hallar nazirinin müavini Etibar Mirzəyev tərəfindən isə mayın 14-də saat 11:00-dan Ucar şəhərində, Heydər Əliyev Mərkəzinin binasında Ucar rayonu sakinlərinin və həmin rayonda məskunlaşmış məcburi köçkünlərin qəbulu keçiriləcək. Qəbula gələn vətəndaşların qeydiyyatı mayın 14-də saat 09:00-dan Heydər Əliyev Mərkəzinin binasında başlayacaq.

Qəbulda yalnız Fövqəladə Hallar Nazirliyinin səlahiyyətlərinə aid müraciətlərə baxılacaq.

Qəbula gələn vətəndaşlar şəxsiyyəti təsdiq edən sənəd təqdim etməlidirlər.

Əlaqə telefonu: +994 (12) 512-01-14, e-mail: [email protected]

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.