AZƏRTAC xarici KİV-lərə istinadla xəbər verir ki, FİFA qarşıdakı dörd il ərzində nəzərdə tutduğu 250 futbol layihəsinə 100 min ABŞ dolları xərcləməyi planlaşdırır. Bu məbləğ gələcəkdə kasıb və varlı ölkələr arasındakı maddi fərqi aradan qaldırmağa sərf olunacaqdır.

FİFA prezidenti Yozef Blatterin təklifi ilə 1999-cu ildən fəaliyyətə başlayan “Qol” proqramı sayəsində, Azərbaycan da daxil olmaqla futbolu inkişafda olan 181 ölkədə mərkəzlər, məktəblər, meydançalar və inzibati binalar inşa edilmişdir.