İDMAN


FIFA dünya çempionatında iştirakçıların sayını artırıb

Sürix, 16 mart, AZƏRTAC

FIFA futbol klublarının dünya çempionatında iştirak edən komandaların sayını yeddidən 24-ə yüksəldib.

AZƏRTAC xəbər verir ki, bu barədə qərar təşkilatın İcraiyyə Komitəsinin iclasında qəbul edilib. Klubların dünya çempionatında islahatlar çərçivəsində aparılan dəyişiklik 2021-ci ildən qüvvəyə minəcək. İlk turnir pilot layihə statusu daşısa da, gələcəkdə bu formatın daimi olacağına ümid bəslənir.

Dünya çempionatında Avropadan 8 klub, Afrika, Asiya və Şimali/Mərkəzi Amerika qitələrinin hər birindən 3 klub, Cənubi Amerikadan 6 klub və Okeaniya Konfederasiyasından isə bir klub təmsil olunacaq. UEFA istisna olmaqla bütün digər qitələrin assosiasiyaları yeni qaydanın lehinə səs veriblər.

Elgün Niftəli

AZƏRTAC-ın xüsusi müxbiri

Sürix

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.