AZƏRTAC-ın İTAR-TASS Agentliyinə istinadla verdiyi xəbərə görə, ABŞ-ın Florida ştatında eyni vaxtda “Çarli” qasırğası və “Bonni” tropik fırtınası nəticəsində həlak olanların sayı azı 18 nəfərə çatmışdır.

Floridada indiyədək yüzlərlə adam itkin düşmüş hesab olunur. Hakimiyyət orqanları nümayəndələrinin dediyinə görə, onların harada olduqlarını müəyyən etmək hələlik mümkün deyildir. Şarlott mahalında yerləşən Punta-Qorda və Port-Şarlott yaşayış məntəqələri qasırğadan daha çox zərər çəkmişdir.

Floridada axtarış-xilasetmə işləri davam edir.

Sığorta İnformasiyası İnstitutunun nümayəndəsi Loretta Uortersin dediyinə görə Floridada baş vermiş qasırğa azı bir neçə milyard dollarlıq zərər vurmuşdur.