FRANSA KƏND TƏSƏRRÜFATI PALATASI QUBADA LAYİHƏ HƏYATA KEÇİRİR

Ötən ildən başlayaraq Quba Regional Aqrar Elm Mərkəzi ilə Fransanın Luare Kənd Təsərrüfatı Palatası birgə “Frazer” layihəsini həyata keçirirlər.

AZƏRTAC-ın müxbiri xəbər verir ki, layihəyə əsasən, Fransadan 20 minə yaxın virussuz calaqaltı material gətirilmiş və 1,6 hektar sahədə calaqaltıların tingliyi yaradılmışdır. Burada 2006-cı ildən etibarən ildə 200-250 min, 5 il müddətində isə 1 milyona yaxın meyvə tingi yetişdirmək nəzərdə tutulmuşdur. Bundan əlavə, 0,1 hektar sahədə 5 yeni alma sortundan ibarət bağ salınmış, 1 özəl tinglik təsərrüfatı yaradılmış, 4 özəl tingçi ilə işbirliyi qurularaq, onlarla istehsal fəaliyyətinə başlanılmışdır.