Fransa parlamenti iyulun 25-dən etibarən 16 yaşından kiçik olan şəxslərə tütün məmulatı satışını qadağan etmişdir. Həmin qərara Senatda (parlamentin yuxarı palatası) çoxluq təşkil edən sağlar səs vermişdir. Sollar bitərəf qalmışlar.

AZƏRTAC-ın müxbiri Parisdən xəbər verir ki, indi yetkinlik yaşına çatmayanlara siqaret satışına görə tütün dükanlarının sahibləri 150 avro məbləğində cərimə olunacaqlar. Parlament üzvləri siqaretlər üçün vergini artırmağı da qərara almışlar. İçərisində 19 ədəddən az siqaret olan və “uşaq qutusu” adlandırılan qutularda siqaret satışı qadağan edilmişdir. Mağaza sahiblərinə onlarda olan bu cür siqaretləri satıb qurtarmaq üçün üç ay vaxt verilmişdir.