DÜNYA


“Facebook” tələbələr üçün “Campus” sosial şəbəkəsini istifadəyə verib

Bakı, 14 sentyabr, AZƏRTAC

2004-cü ildə Harvard Universitetində Mark Zukerberq və onun otaq yoldaşları tərəfindən yaradılmış “Facebook” sosial şəbəkəsi çoxdan qlobal şəbəkəyə çevrilib, amma indi şirkət müəyyən mənada köhnə vaxta qayıtmağa qərar verib. Bu məqsədlə “Facebook” tələbələr üçün əsas sosial şəbəkənin daxilində əlavə sosial şəbəkə istifadəyə verib. “Campus” adlı layihə haqqında şirkətin bloqunda məlumat verilib.

AZƏRTAC xarici saytlara istinadla verir ki, şirkətin rəsmisi “Campus” layihəsinin yaradılmasını koronavirus pandemiyası ilə izah edib. Pandemiya səbəbindən təhsil müəssisələri qismən və ya tam distant təhsil rejiminə keçməli olub.

İndi “Campus” sosial şəbəkəsinin istifadəçilərinə çat, tədbir və qrupları yaratmaq imkanı əlçatandır. Həmçinin onlar öz universitetlərinin xəbər lentinə də baxa bilərlər. Hazırda ABŞ-ın təxminən 30 təhsil müəssisəsi sözügedən layihəyə qoşulub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.