DÜNYA


“Facebook” və “YouTube” Yeni Zelandiyada törədilən terror aktının videolarını silib

Bakı, 15 mart, AZƏRTAC

Yeni Zelandiyada məsciddə törədilən terror aktının videogörüntüləri “Facebook” sosial şəbəkəsindən pozulub.

AZƏRTAC CNN telekanalına istinadla xəbər verir ki, bu barədə “Facebook” sosial şəbəkəsinin Yeni Zelandiyadakı nümayəndəsi Mia Harlik deyib.

“Video “Facebook” sosial şəbəkəsində peyda olduqdan dərhal sonra Yeni Zelandiya polisi bu barədə bizi məlumatlandırıb və biz təxirə salınmadan Brenton Tarrantın “Facebook” və “Instagram” akkauntlarını, həmçinin həmin videoları pozmuşuq”, - deyə o bildirib.

“Twitter” sosial şəbəkəsi də, həmçinin atıcının akkauntunu bağlayıb və terror aktının videosunu pozmaq üçün tədbirlər görür. “Google” kompaniyası nümayəndəsinin sözlərinə görə, onlar videonun “YouTube” videohostinqindən tam silinməsi üçün çalışırlar. Bir qədər əvvəl Yeni Zelandiya polisi Christchurch şəhərindəki məscidə hücumda ittiham olunan avstraliyalı Brenton Tarrant tərəfindən çəkilən videonu yaymamaq xahişi ilə internet istifadəçilərinə müraciət etmişdi.

Xatırladaq ki, bu gün cümə namazı vaxtı Yeni Zelandiyanın Christchurch şəhərinin Hagley Park qəsəbəsində yerləşən Əl-Nur və Linvud məscidlərinə silahlı hücum edilib. Son məlumata əsasən, terror aktı nəticəsində azı 49 nəfər həlak olub, 39 nəfər isə yaralanıb.

Yeni Zelandiyanın Baş naziri Casinda Ardern hadisəni ölkə tarixinin ən qara günlərindən biri adlandırıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.