CƏMİYYƏT


Fankoni sindromu

Bakı, 11 yanvar, AZƏRTAC

Fankoni sindromu böyrək tərəfindən normalda geri reabsorbsiya olunaraq qana keçən bəzi maddələrin geri sorulmadan sidiyə qarışdığı bir xəstəlikdir. Sindrom həm genetik, həm də sonradan qazanılmış ola bilər. Uşaq yaşlarında rast gəlinən bu sindromun əsas səbəbi bəzi maddələrin parçalanmasında iştirak edən fermentlərin genetik çatışmazlığıdır. Bura sistin, fruktoza, qalaktoza, qlikogen və s. aiddir.

Bu barədə AZƏRTAC-a Azərbaycan Tibb Universitetinin Tədris Terapevtik Klinikasının həkimi Orxan Quliyev məlumat verib.

Mütəxəssis bildirib ki, yetkin insanlarda fankoni sindromuna səbəb ola biləcək amillər azatioprin, gentamisin və tetrasiklin tərkibli antibiotiklər, çoxsaylı mieloma xəstəliyi, amilodoz, yüngül zəncir depo xəstəlikləridir.

“Sindromun klinik əlamətlərinə dehidratasiyaya səbəb olacaq qədər sidik ifrazı, sümük ağrıları, zəiflik aiddir. Xəstəliyin diaqnozu laborator müayinələrə əsasən qoyulur. Əsasən sidikdə bikarbonat, qlükoza, maqnezium, ftor, kalium, natrium, amin və sidik turşuları aşkarlanır. Sindromun müalicəsi əsasən simptomatikdir”, - deyə O.Quliyev bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.