ELM VƏ TƏHSİL


Fənn müsabiqələrinin final mərhələsində 1368 şagird iştirak edib

Bakı, 2 iyul, AZƏRTAC

Ümumtəhsil məktəblərinin VI-VII sinif şagirdləri arasında IV respublika fənn müsabiqələrinin final mərhələsi keçirilib.

Təhsil Nazirliyindən AZƏRTAC-a bildiriblər ki, fənn müsabiqələri riyaziyyat, fizika, kimya, biologiya və informatika fənləri üzrə təşkil olunub.

Beynəlxalq olimpiadalara hazırlıq mərkəzləri olan fizika, riyaziyyat və informatika təmayüllü, kimya-biologiya təmayüllü liseylərdə və Sumqayıt şəhərindəki Təbiət Elmləri Təmayüllü Gimnaziyada keçirilən final mərhələsində 1368 şagird iştirak edib.

Finalda şagirdlərə fənlərə müvafiq tapşırıqlarla bərabər, qeyri-standart düşüncə, analiz qabiliyyəti tələb edən tapşırıqlar da təqdim olunub.

Qeyd edək ki, müsabiqənin birinci mərhələsinə18 minə yaxın şagird qatılıb.

Fənn müsabiqələrinin final mərhələsinin nəticələri iyulun 6-dək www.olimpiada.edu.az saytında elan ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.