SİYASƏT


Fərhad Abdullayev: Azərbaycanda hüquqi, demokratik dövlət quruculuğu ulu öndər Heydər Əliyevin adı ilə bağlıdır

Bakı, 3 may, AZƏRTAC

Azərbaycan Respublikası Konstitusiya Məhkəməsinin, Azərbaycan Milli Elmlər Akademiyasının Hüquq və İnsan Haqları İnstitutunun və Qara dəniz və Xəzər dənizi Regionu Ölkələri Hüquqşünasları Assosiasiyasının insan hüquq və azadlıqlarının müdafiəsinə dair birgə keçirdiyi konfrans artıq ənənəvi xarakter daşıyır. Hər il ulu öndər Heydər Əliyevin anadan olmasının ildönümü ərəfəsində biz hüquqi konfransı keçiririk.

AZƏRTAC xəbər verir ki, bu sözləri jurnalistlərə müsahibəsində Azərbaycan Respublikası Konstitusiya Məhkəməsinin sədri Fərhad Abdullayev deyib.

Fərhad Abdullayev qeyd edib ki, konfransda müasir hüququn bütün aktual məsələləri müzakirə olunur. Bu konfransın məhz ulu öndər Heydər Əliyevin anadan olmasının ildönümü ilə bağlı keçirilməsi təsadüfi deyil. Çünki müasir Azərbaycanın hüquq sistemini, demokratik, hüquqi dövlət quruculuğunu ulu öndər Heydər Əliyevin fəaliyyətindən, onun müəyyən etdiyi istiqamətlərdən, ölkəmiz və xalqımız qarşısındakı xidmətlərindən ayrı təsəvvür etmək mümkün deyil. Azərbaycanda hüquqi, demokratik dövlət quruculuğu prosesi ulu öndər Heydər Əliyevin adı ilə sıx bağlıdır. Ümummilli lider Heydər Əliyevin rəhbərliyi ilə Azərbaycanda insan hüquq və azadlıqlarının yüksək səviyyədə qorunması istiqamətində mühüm işlər görülüb, islahatlar həyata keçirilib. Bu gün bu işlər Azərbaycan Respublikasının Prezidenti İlham Əliyev tərəfindən uğurla davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.