REGİONLAR


Fermer: “Hər hektardan azı 20-22 sentner pambıq istehsal edəcəyik”

Ucar, 25 iyun, AZƏRTAC

Fermer Cavid Əliyev Ucar rayonunda pambıqçılıqla məşğul olur. Cari mövsümdə 35 hektarda əkin aparıb və 10 nəfərlik işçi qüvvəsi ilə hazırda sahələrdə üçüncü kompleks becərmə tədbirlərini həyata keçirir.

AZƏRTAC-ın bölgə müxbirinin becərmə işlərində əsas diqqəti nəyə verirsiniz sualına cavabında fermer C.Əliyev deyib: “Ümumiyyətlə, pambığın becərilmə texnologiyasının vaxtında və düzgün həyata keçirilməsi gələcək yüksək məhsul üçün zəruri şərtdir. Bizim təsərrüfatda, artıq normal çıxış alınıb, seyrəltmə, bitki ətrafındakı torpağın yumşaldılması başa çatdırılıb. Hazırda sahələrə üçüncü kultivasiya çəkilir, pambığın ən qorxulu zərərvericilərindən olan mənənəyə qarşı kimyəvi mübarizə aparılır.

Əlbəttə, sahələrin becərilmə texnologiyasının bundan sonra da keyfiyyətli aparılması xüsusi diqqət mərkəzində olacaq”.

Fermer C.Əliyev sonda “Sahələrin hazırkı vəziyyəti deməyə əsas verir ki, cari ildə hər hektardan azı 20-22 sentner məhsul istehsal edəcəyik”, - deyə bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.