REGİONLAR


Fermerlər sərfəli qiymətə yüksək məhsuldar kartof toxumları ilə təmin olunacaqlar

Bakı, 1 may, AZƏRTAC

Respublikada toxumçuluq sahəsinin inkişaf etdirilməsi məqsədilə Dövlət Toxum Fondu (DTF) ilə Azəraqrar Dövlət İstehsalat və Emal Birliyi (ADİEB) arasında imzalanan birgə əməkdaşlıq haqqında müqaviləyə əsasən Fond tərəfindən Rusiya Federasiyasından idxal olunmuş “Udaça” sortlu birinci reproduksiyalı kartof toxumunun Gədəbəy rayonunda yerləşən və ADİEB-yə məxsus 6 hektar ərazidə əkini həyata keçirilib.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildiriblər ki, əkin prosesində iştirak edən DTF-nin mütəxəssisləri yüksək məhsuldarlıq əldə etmək üçün tələb olunan bütün standartlara riayət olunmasına nəzarət ediblər.

Dövlət Toxum Fondu ilə Azəraqrar Dövlət İstehsalat və Emal Birliyi arasında əməkdaşlıqda məqsəd idxal olunmuş birinci reproduksiyalı yüksək məhsuldar kartof toxumunun ikinci reproduksiyasını əldə edərək, ölkə fermerlərinin sərfəli qiymətə həmin toxumlarla tələbatını ödəməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.