DÜNYA


Filippin hökuməti Mindanao adasında hərbi vəziyyətin uzadılmayacağını bəyan edib

Tokio, 11 dekabr, AZƏRTAC

Filippin hökuməti ölkənin cənubunda yerləşən Mindanao adasında hərbi vəziyyətin cari ildən sonra uzadılmayacağını bəyan edib.

AZƏRTAC “The Philippine Star” nəşrinə istinadla xəbər verir ki, hökumət bununla iki ildən çox müddətdə davam edən hərbi qarşıdurmanı dayandırmaq niyyətində olduğunu bildirib.

Bu barədə məlumat verən Filippin Prezidentinin mətbuat katibi Salvador Panelo qeyd edib ki, Rodriqe Duterte hərbi vəziyyətin dekabrın 31-də başa çatmasından sonra onu uzatmamaq qərarına gəlib.

Xatırladaq ki, Filippin Prezidenti 2017-ci il mayın 23-də əsasən müsəlmanların yaşadığı Maravi şəhərində yaraqlıların bir neçə rayonu ələ keçirməsindən sonra Mindanao adasında hərbi vəziyyət elan etmişdi.

Yaraqlılarla hökumət qoşunları arasında altı aya yaxın davam edən silahlı qarşıdurma nəticəsində 1500-dən çox insan həlak olmuşdu ki, bunların da 165-i hökumət qüvvələrinin əsgərləri, 47-si isə mülki vətəndaşlar idi.

Son illər iki dəfə uzadılan hərbi vəziyyət hüquq müdafiəçiləri tərəfindən kəskin tənqid edilirdi.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.