Filippin paytaxtında baş vermiş yanğın nəticəsində beş nəfər həlak olub

Tokio, 21 fevral, AZƏRTAC

Fevralın 21-də Filippinin paytaxtı Manilanın Tondo rayonunda baş vermiş yanğın nəticəsində 5 nəfər həlak olub, daha 5 nəfər isə müxtəlif dərəcəli xəsarətlər alıb.

AZƏRTAC “The Manila Times” qəzetinə istinadla xəbər verir ki, bu barədə paytaxtın Yanğından Mühafizə Bürosu məlumat yayıb.

Bildirilir ki, gecə saat 1:49 dəqiqədə başlayan yanğın səhər saat 6:11-də söndürülüb. Yanğın nəticəsində həlak olanlar arasında 37 yaşlı kişi ilə yanaşı, 3, 8, 10 və 12 yaşlı uşaqlar var. Xəsarət almış beş nəfərdən biri də 9 yaşlı oğlandır.

Hazırda yanğının başvermə səbəbləri araşdırılır.

Vüqar Ağayev

AZƏRTAC-ın xüsusi müxbiri

Tokio