DÜNYA


Filippində alimlər naməlum insan növünün qalıqlarını aşkar ediblər

Tokio, 11 aprel, AZƏRTAC

Filippində alimlər naməlum insan növünün qalıqlarını aşkar ediblər. AZƏRTAC xəbər verir ki, bu barədə “Nature” jurnalı məlumat yayıb.

Bildirilir ki, Filippinin Luson adasındakı Kalyao mağarasında üç şəxsə məxsus olmuş barmaq və bud sümüklərinin, həmçinin dişlərin qalıqları aşkar edilib. Onların yaşının təqribən 50-67 min il arası olduğu qeyd edilir.

Tədqiqatçıların rəyinə görə, tapılan fraqmentlərin morfoloji əlamətlərinin məcmusu deməyə əsas verir ki, bu qalıqlar indiyədək məlum olan insan növlərinə, o cümlədən nə “Homo floresiensis”ə, nə də “Homo sapiens”ə aid deyil. Bu qalıqlar tamamilə yeni insan növünə aiddir və onun tapıldığı Luson adasının adına uyğun olaraq “Homo luzonensis” adlandırılması qərara alınıb.

Alimlərin rəyinə görə, yeni insan növünün tapılması Afrikadan kənarda onun müxtəlif növlərinin olduğunu deməyə əsas verir və təkamülün çox mürəkkəb xarakterini təsdiq edir.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.