DÜNYA


Filippinin 13 şəhərində karantin rejimi avqustun 15-dək uzadılıb

Tokio, 31 iyul, AZƏRTAC

Filippin Prezidenti Rodriqo Duterte koronavirus pandemiyasının daha geniş yayılması fonunda paytaxt Manila da daxil olmaqla 13 şəhərdə karantin rejimini avqustun 15-dək uzadıb.

AZƏRTAC xəbər verir ki, bu barədə iyulun 31-də ABC-CBN media qrupu məlumat yayıb.

Prezident qeyd edib ki, vəziyyətin daha ağır olduğu Sebu şəhəri geniş şəkildə tətbiq edilən karantindən iki həftə sonra tam təcrid vəziyyətinə alınacaq.

Prezidentin mətbuat katibi Harri Rokun bildirdiyinə görə, təcrid qaydaları yeni yoluxma hallarının qeydə alındığı karantin zonalarında tətbiq ediləcək.

H.Rok əlavə edib ki, bundan sonra tibbi maskanın üzərindən qoruyucu ekranın istifadə edilməsi sağlamlığı qorumaq üçün əsas standartlardan biri olacaq.

Qeyd edək ki, Manilada ümumi karantin rejiminin uzadılması barədə qərar bir gün əvvəl - paytaxtda 3954 yoluxma qeydə alındıqdan sonra qəbul edilib. Beləliklə, ölkə üzrə koronavirusa yoluxanların ümumi sayı 89 min 374 nəfərə çatıb. Eyni zamanda, Filippində 65 min 64 nəfər bu xəstəlikdən sağalıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.