DÜNYA


Filippinin yeni Prezidenti Ferdinand Markosun andiçmə mərasimi keçirilib VİDEO

Tokio, 30 iyun, AZƏRTAC

İyunun 30-da Manilada Filippinin yeni Prezidenti Ferdinand Markosun andiçmə mərasimi keçirilib.

AZƏRTAC xəbər verir ki, Filippinin 36 il əvvəl hakimiyyətdən kənarlaşdırılan sabiq prezidentinin oğlu olan 64 yaşlı kiçik Ferdinand Markos Milli Muzeyin binasında ölkənin 17-ci Prezidenti kimi and içib.

Filippinin yeni dövlət başçısının qarşısında həlli çətin olan problemlər durur. Bu problemlərə ilk növbədə xammalın qiymətinin artması, milli valyutanın dəyərini itirməsi, Cənub Çin dənizində Çin ilə ərazi mübahisəsi daxildir.

Ölkədə artmaqda olan ərzaq çatışmazlığını aradan qaldırmaq üçün. F.Markos özünü həm də ölkənin kənd təsərrüfatı naziri təyin edib. O, həmçinin Cənub Çin dənizində davam edən mübahisədə Manilanın mövqeyini qoruyacağını vəd edib.

Vüqar Ağayev

AZƏRTAC-ın xüsusi müxbiri

Tokio 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.