DÜNYA


Finlandiya Rusiya tərəfdən hərbi təhlükə görmədiyini bildirir

Bakı, 13 may, AZƏRTAC

Finlandiya hazırda Rusiya tərəfindən birbaşa hərbi təhlükə müşahidə etmir.

AZƏRTAC xəbər verir ki, bu barədə Finlandiyanın NATO-dakı daimi nümayəndəsi Klaus Korhonen CNN telekanalına müsahibəsində deyib. Onun sözlərinə görə, Finlandiyanın hakimiyyət orqanları Rusiya tərəfdən qeyri-adi aktivlik qeydə almayıb. Diplomat, həmçinin hazırda ölkə sərhədlərinin təhlükə altında olmadığını bildirib.

Klaus Korhonen, eyni zamanda, Rusiyanın Ukraynaya hərbi müdaxiləsinin təhlükəsizlik sahəsində vəziyyəti dəyişdiyini və Finlandiyanın məhz bu səbəbdən alyansa üzv olmağa çalışdığını vurğulayıb.

NATO-nun Baş katibi Yens Stoltenberq isə öz növbəsində Şimali Atlantika Alyansı üzvlərinin etirazı olmasa, Finlandiya və İsveçi təşkilatın sıralarında görməkdən məmnun olacaqlarını deyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.