DÜNYA


Finlandiya öz sərhədini sabahdan etibarən rusiyalı turistləri üçün bağlayır

Bakı, 29 sentyabr, AZƏRTAC

Finlandiya hökuməti bu gün Rusiya vətəndaşlarının turist vizaları, o cümlədən şengen vizası ilə ölkəyə girişini dayandırmaq barədə qərar qəbul edib.

AZƏRTAC Yle telekanalına istinadla xəbər verir ki, bunu Finlandiyanın xarici işlər naziri Pekka Haavisto brifinqdə bildirib.

“Ölkəyə giriş və onun üzərindən tranzit qadağası cümə günü qüvvəyə minir”, - nazir belə deyib. Onun sözlərinə görə, rusiyalıların turist vizaları ləğv olunur. Bundan sonra turist Avropa İttifaqının digər dövlətlərinin sərhədini Finlandiyanın verdiyi viza ilə keçə bilməyəcək.

Eyni zamanda, ölkənin hakimiyyət orqanları iş və təhsil, müalicə, həmçinin yaxın qohumları ziyarət etmək üçün viza almaq imkanını saxlayıb. Diplomatik işçilər və onların ailə üzvləri, eləcə də müxalifət nümayəndələri xüsusi qrupa daxildir. Ölkəyə gəlmək istəyən hər kəsin müraciətinə fərdi qaydada baxılacaq.

Finlandiya Aİ-nin yeganə ölkəsi idi ki, Rusiya turistləri onun quru sərhədləri vasitəsilə Şengen zonasının başqa hissəsinə gedə bilirdilər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.