DÜNYA


Finlandiyada fırtına səbəbindən 64 min ailə işıqsız qalıb

Stokholm, 21 noyabr, AZƏRTAC

Finlandiyanın cənubunda fırtına bölgənin əksər şəhərlərinə ciddi ziyan vurub və 64 min ailəni işıqsız qoyub.

AZƏRTAC Finlandiya mediasına istinadla xəbər verir ki, “Liysa” adlı payız fırtınası özü ilə saniyədə 25 metrə çatan küləkləri gətirib.

Şahidlərin sözlərinə görə, külək ağacları çıxarır, binalar və digər tikililəri dağıdırdı. Finlandiyanın cənubundakı bəzi bölgələrə dolu düşüb. Pis hava şəraiti Finlandiyanın cənub və mərkəzi bölgələrinin bir çoxunda elektrik enerjisinin kəsilməsinə səbəb olub. Ümumilikdə, elektrik xətlərinin kəsilməsi səbəbindən 64 min ailə işıqsız qalıb. Bir sıra şəhərlərdə elektrik təchizatı hələ də bərpa edilməyib.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.