SİYASƏT


Finlandiyada yaşayan azərbaycanlılar və ruslar 9 May - Qələbə Gününü birgə qeyd ediblər

Stokholm, 9 may, AZƏRTAC

Finlandiyada yaşayan azərbaycanlılar və ruslar 9 May - Qələbə Gününü birgə qeyd ediblər.

AZƏRTAC xəbər verir ki, Finlandiyanın Hanko şəhərində keçirilən tədbirə müharibədə qalib gəlmiş digər xalqların nümayəndələri də qatılıblar.

Azərbaycanlı diaspor fəallarının, yerli ictimaiyyət nümayəndələrinin və müxtəlif diaspor təşkilatlarının üzvlərinin, habelə Rusiyanın Finlandiyada səfiri Pavel Kuznezovun da qatıldığı tədbirdə çıxış edən Finlandiyada Azərbaycan-Türk Gənclər təşkilatın sədri, Skandinaviya Azərbaycanlıları Koordinasiya Şurasının əlaqələndiricisi Ülviyyə Cabbarova Azərbaycan xalqının İkinci Dünya müharibəsində qazanılan qələbədəki rolundan bəhs edib. Ülviyyə Cabbarova xatırladıb ki, müharibədə 700 minə yaxın azərbaycanlı iştirak edib, lakin ölkəmizin töhfəsi bununla kifayətlənmir və müharibədə qazanılan qələbədə Bakı neftinin xüsusi rolu olub.

Tədbir bədii hissə ilə davam etdirilib.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.