İDMAN


Finlandiyalı sürücüsü Valtteri Bottas “Mercedes” komandası ilə yeni müqavilə imzalayıb

Bakı, 6 avqust, AZƏRTAC

Formula 1 pilotu Valtteri Bottas “Mercedes” komandası ilə yeni müqavilə imzalayıb.

AZƏRTAC xəbər verir ki, bu barədə komandanın mətbuat xidmətindən məlumat verilib.

Otuz yaşlı sürücü ilə razılaşma 2021-ci il mövsümü üçün nəzərdə tutulub. Növbəti mövsümdə o, artıq beşinci dəfə “Mercedes”in heyətində yarışacaq. Ötən illər ərzində V.Bottas 12 poul qazanıb, 39 dəfə podiuma yüksəlib (8 qələbə).

Onun “Mercedes”i təmsil etməyə başladığı mövsümdən bu yana komanda, ardıcıl olaraq Konstruktorlar kubokunun qalibi olub. Fərdi yarışda V.Bottas ikinci (2019-cu il) və üçüncü (2017-ci il) yerləri tutub.

Bu mövsüm finlandiyalı pilot 58 xalla ikinci yerdədir. Onun komanda yoldaşı Luis Hamilton isə 88 xalla liderdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.