DÜNYA


Finlandiyanın Baş naziri bu ölkədə koronavirusla bağlı vəziyyətin ciddi olduğunu bildirib

Stokholm, 25 noyabr, AZƏRTAC

Finlandiyanın Baş naziri Sanna Marin bu ölkədə koronavirusla bağlı vəziyyətin ciddi olduğunu bildirib.

AZƏRTAC Finlandiya mətbuatına istinadla xəbər verir ki, Baş nazirin sözlərinə görə, hökumət yaxın vaxtlarda yenidən sərt məhdudlaşdırıcı tədbirlərin görülməsinə imkan verən fövqəladə hallara hazırlıq barədə qanundan istifadə edə bilər.

Hökumət başçısı qeyd edib ki, müəyyən bölgələrdə virusla bağlı vəziyyət nəzarətə alınmazsa və pisləşməyə davam edərsə, yeni məhdudiyyətlərə dair qərarla bağlı məsələyə baxılacaq. O, hökumətin sərt tədbirlər görmək istəmədiyini, lakin paytaxtın bəzi regionlarında vəziyyətin artıq təcili həll tələb etdiyini vurğulayıb.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.