MƏDƏNİYYƏT


Firudin bəy Köçərlinin elektron məlumat bazası yaradılıb

Bakı, 11 aprel, AZƏRTAC

Mədəniyyət Nazirliyinin dəstəyi və Respublika Uşaq Kitabxanasının təşkilatçılığı ilə görkəmli ədəbiyyatşünas alim Firudin bəy Köçərlinin fundamental biblioqrafiya kitabı əsasında hazırlanan elektron məlumat bazası oxuculara təqdim edilib.

Kitabxanadan AZƏRTAC-a bildiriblər ki, təqdimat mərasimində 11 bölmədən ibarət elektron məlumat bazasında ədibin həyat və yaradıcılığının əsas məqamları, onun müdrik deyimləri, görkəmli şəxsiyyətlərin şair haqqında söylədiyi fikirləri, əsərləri, xatirəsinin əbədiləşdirilməsi, Firudin bəy Köçərliyə həsr edilmiş şeirlər, foto və videoqalereya bölmələri barədə ətraflı məlumat verilib. Elektron bazanın 1911-2018-ci illəri əhatə etdiyi vurğulanıb.

Kitabxananın direktoru, Əməkdar mədəniyyət işçisi Şəhla Qəmbərova Firudin bəy Köçərli ilə yanaşı, digər şair və yazıçıların elektron məlumat bazalarının yaradılması istiqamətində görülən işlərdən bəhs edib.

Bakı Dövlət Universitetinin dosenti Nəzakət Hüseynova, Milli Kitabxananın direktor müavini Ədibə İsmayılova, tədqiqatçı Pərixanım Mikayılqızı Firudin bəy Köçərlinin uşaq ədəbiyyatı ilə bağlı yaradıcılığından danışıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.