DÜNYA


“Fitch” Latviyanın reytinqini “A-” səviyyəsində təsdiq edib

Riqa, 15 aprel, AZƏRTAC 

“Fitch” agentliyi Latviyanın uzun müddətli xarici valyutada emitent defolt reytinqini “A-” sabit olaraq təsdiqləyib.

AZƏRTAC xəbər verir ki, Latviyanın yüksək kredit dərəcəsini dəstəkləyən əsas amillər kimi “Fitch” ölkənin maliyyə gücünü, həmçinin institusional sabitliyini və Avropa Birliyində üzvlüyünü əsas götürüb. Sakinlərin aşağı gəlirləri, eyni zamanda, oxşar kredit reytinqi olan digər ölkələrlə müqayisədə ümumi daxili məhsulun və xarici borcun daha yüksək qeyri-sabitliyi Latviyanın əsas problemləri kimi müəyyən edilib.

“Fitch” qeyd edib ki, Latviya iqtisadiyyatı ötən il 4,8 faiz artıb və bu, yeddi il ərzində ən yüksək artım olub. Cari və 2020-ci ildə ölkə ÜDM-nin 3,1 faiz artacağı da proqnozlaşdırılıb.

Aygün Əliyeva

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.