“Fitch Ratings” agentliyi “Expressbank”ın reytinqini yüksəldib

Bakı, 18 avqust (AZƏRTAC). “Fitch Ratings” beynəlxalq reytinq agentliyi “Expressbank”da apardığı qiymətləndirmənin yekunu olaraq banka “B” səviyyəli “stabil” proqnozu təqdim edib.

Bankdan AZƏRTAC-a bildiriblər ki, bu reytinq ölkə bankları arasında ən yüksək nəticələrdən hesab olunur. Agentlik reytinq təqdim edərkən “Expressbank”ın ümumi fəaliyyətini qiymətləndirib: bankın aktivləri, kredit portfeli, əmanətlər, bazardakı mövqeyi, risklərin idarə olunması və digər meyarlar əsas götürülüb.