DÜNYA


“Fitch” agentliyi Yunanıstanın kredit reytinqini BB səviyyəsinə qaldırıb

Afina, 28 yanvar, AZƏRTAC

“Fitch” reytinq agentliyi Yunanıstanın kredit reytinqi göstəricisini “BB-”dən “BB”yə qaldırıb. Reytinq agentliyinin bu qərarı Yunanıstanın ÜDM göstəricisinin artması və vergi siyasətinin ehtiyatlılığı ilə izah olunur. Eyni zamanda agentlik ölkə üzrə proqnozunu “stabildən” “müsbətə” dəyişdirib. Bu qərarı isə agentlik Yunanıstanın dövlət borcunun azaldılması və 2019-cu il iyulunda keçirilən parlament seçkilərindən sonra siyasi vəziyyətin yaxşılaşdırılması ilə əlaqədar verib.

Qeyd edək ki, 2015-ci ildə baş verən maliyyə böhranı zamanı Yunanıstan hökuməti kapitalın hərəkətinə nəzarət qərarını qəbul edib. Bu qərar 2019-cu ilin sentyabrında ləğv edilib.

İqbal Hacıyev

AZƏRTAC-ın xüsusi müxbiri

Afina

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.