ELM VƏ TƏHSİL


Fizika İnstitutunun tarixini əks etdirən sərgi təşkil olunub

Bakı, 27 aprel, AZƏRTAC

Fizika İnstitutunda onun tarixini əks etdirən daim nümayiş olunacaq sərgi açılıb.

Bu barədə AZƏRTAC-a institutdan məlumat verilib. Bildirilib ki, bu münasibətlə keçirilən onlayn tədbirdə elmi müəssisənin baş direktoru, akademik Arif Həşimov Fizika İnstitutunun tarixi, fəaliyyət istiqamətləri haqqında məlumat verib. Qeyd edib ki, sərgidə institutun yarandığı gündən indiyədək inkişaf yolunu əks etdirən eksponatlar nümayiş olunur.

Həmçinin sərgidə Fizika İnstitutunun alimləri tərəfindən işlənib hazırlanmış cihaz və qurğular, elmi müəssisənin təltif olunduğu Qırmızı Əmək Bayrağı ordeni, SSRİ Xalq Təsərrüfatı Nailiyyətləri Sərgisində aldığı 12 qızıl və gümüş medallar və s. tarixi nailiyyətləri əks etdirən eksponatlar nümayiş etdirilir. Burada Fizika İnstitutunda müxtəlif ölkələrdən qonaq olan dünya şöhrətli alimlərin ürək sözlərini yazdıqları xatirə kitabları ilə də tanış olmaq mümkündür. Sərginin daim yeniləcək hissəsində müəssisə əməkdaşlarının sıx əlaqədə olduqları Dubna şəhərində yerləşən Birləşmiş Nüvə Tədqiqatları İnstitutunun bu il qeyd ediləcək 65 illiyinə həsr olunan maraqlı stend də var. Sərgini, həmçinin müəssisənin yaranmasının əsasını qoyan alimlərin, elmi məktəb yaradan akademiklərin və Fizika İnstitutu ilə sıx bağlı olmuş dünya şöhrətli alimlərin portretləri bəzəyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.