Fiziki şəxslərin əmanətlərinin dollarlaşması azalıb

Bakı, 24 yanvar, AZƏRTAC

Əhalinin əmanətləri (sahibkarlıqla məşğul olan fiziki şəxslər istisna olmaqla) dekabrda əvvəlki ayla müqayisədə 1,7 faiz (151,5 milyon manat), ötən ilin müvafiq dövrünə nəzərən isə 12,3 faiz (987,8 milyon manat) artaraq 9 milyard 32,4 milyon manat təşkil edib (tarixi maksimum).

AZƏRTAC Azərbaycan Mərkəzi Bankına istinadla xəbər verir ki, əmanət portfelinin 59,1 faizi (5 milyard 339 milyon manat) müddətli əmanətlərdən ibarətdir. Fiziki şəxslərin əmanətlərinin dollarlaşması ilin əvvəlinə nəzərən 9,8 faiz bəndi azalaraq 41 faiz təşkil edib.