DÜNYA


Florida ştatında qasırğa qurbanlarının sayı 40 nəfəri ötüb

Bakı, 1 oktyabr, AZƏRTAC

Həftənin əvvəlində ABŞ-ın Florida ştatını vuran “İen” qasırğası azı 42 nəfərin ölümünə səbəb olub.

AZƏRTAC xəbər verir ki, CNN telekanalı bu barədə yerli hakimiyyət orqanlarına istinadla məlumat yayıb.

Saffir-Simpson şkalası üzrə dördüncü kateqoriyaya yüksələn qasırğanın mərkəzində küləyin sürəti saatda 250 kilometrə çatıb. Təbii fəlakət ştatda çoxsaylı dağıntılara səbəb olub, 2,5 milyona yaxın insanın elektrik enerjisi kəsilib, telekommunikasiya şəbəkələri sıradan çıxıb, hava limanları bağlanıb.

ABŞ Prezidenti Cozef Bayden “İen” qasırğasının Florida tarixində ən ölümcül fırtına ola biləcəyini deyib.

Cümə axşamı günü post-tropik siklon səviyyəsinə enən “İen” Cənubi Karolina ştatına çatıb. Hazırda ştat ərazisində yerləşən mülkiyyətə dəyən zərər, elektrik enerjisinin kəsilməsi və xilasetmə çağırışları haqqında məlumatlar artmaqdadır. Hakimiyyət orqanları sakinləri evlərini tərk etməməyə çağırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.