DÜNYA


“Fly Jordan” Sarayevo-Amman-Sarayevo istiqamətində yeni aviareys açacaq

Sarayevo, 15 iyul, AZƏRTAC

İyulun 20-də “Fly Jordan” şirkəti Sarayevo və Amman şəhərlərini birləşdirən yeni aviareys açacaq.

AZƏRTAC yerli KİV-ə istinadla xəbər verir ki, bu barədə Bosniya və Herseqovinanın İordaniyadakı səfiri Mato Zeko məlumat verib. Diplomat qeyd edib ki, uçuşlar həftədə bir dəfə olmaqla, şənbə günləri, cari ilin oktyabr ayının sonunadək həyata keçiriləcək.

“Uzun müddətdir Amman ilə Bosniya və Herseqovinanın istənilən bir məntəqəsi arasında birbaşa aviareysin açılması üzərində çalışırıq. Sarayevo prioritetdir. Biz “Fly Jordan” şirkəti ilə razılığa gəlmişik”, − deyə M.Zeko bildirib. Səfir, həmçinin İrlandiyanın “Ryanair” şirkəti ilə danışıqların aparıldığını deyib.

Asiman Əsədov

AZƏRTAC-ın xüsusi müxbiri

Sarayevo

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.