İDMAN


Formula 1 Azərbaycan Qran-Prisi Yaponiyanın idman mediasının diqqət mərkəzindədir

Tokio, 3 iyun, AZƏRTAC

İyunun 4-də Bakıda başlayacaq Formula 1 Azərbaycan Qran-Prisi Yaponiyanın idman mediasının diqqət mərkəzindədir.

AZƏRTAC xəbər verir ki, nüfuzlu “jp.motorsport.com” və “as-web.jp” idman saytları Azərbaycan Qran-Prisi barədə ətraflı məlumatlar yayıblar. Məlumatlarda həmin saytlar tərəfindən canlı yayımlanacaq yarışların cədvəli ilə yanaşı, Bakı şəhər halqası barədə yerli oxuculara ətraflı məlumat verilir. Dərc edilən silsilə məlumatlarda yarışa qatılacaq idmançıların Bakı şəhər halqası, ötən illərdə əldə etdikləri təcrübə, hazırlıq səviyyəsi barədə fikirləri də əksini tapıb.

Xatırladaq ki, Formula 1 Azərbaycan Qran-Prisi iyunun 4-6-da keçiriləcək. Azərbaycan paytaxtı 2016-cı ildən Formula 1 yarışlarına ev sahibliyi edir.

Ötən il koronavirus pandemiyasına görə Azərbaycan Qran-Prisi təşkil olunmayıb.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.