İDMAN


Formula 1: “McLaren” 2072 gündən sonra podiumu qazana bilib

Bakı, 19 noyabr, AZƏRTAC

Formula 1 Braziliya Qran-Prisində Karlos Saynsın podiuma qalxması Britaniyanın “McLaren” komandası üçün son 2972 gün müddətində ilk uğur olub.

AZƏRTAC xəbər verir ki, “McLaren” komandasının pilotları son dəfə podiuma 2014-cü ildə - Avstraliya Qran-Prisində qalxa biliblər. Son bir ildə motor təchizatçısı qismində çıxış edən “Mercedes” komandası ilə əməkdaşlıq şəraitində artıq mövsümün ilk yürüşündə “McLaren” birdən-birə ikili podium qazanıb: Censon Batton finişə üçüncü, Kevin Maqnussen isə ikinci çata biliblər.

Xatırladaq ki, Karlos Sayns üçüncü yeri altıqat dünya çempionu Luis Hemiltonun cərimələnməsi hesabına qazana bilib. Britaniyalı pilot finiş xəttinə üçüncü çatsa da, “Red Bull” pilotu Aleksander Albon ilə qəzaya səbəb olması ucbatından cəzalandırılıb.

Bu podium Karlos Saynsın karyerası ərzində ilk uğur olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.