İDMAN


Formula 1 Türkiyə Qran-Prisinə hazırlıq başa çatır

Bakı, 11 noyabr, AZƏRTAC

İstanbul Avtodromunun sahibi “İntercity” şirkətinin rəhbəri Vural Ak Türkiyə mediasına verdiyi müsahibədə Qran-Priyə hazırlıqla bağlı açıqlama verib.

AZƏRTAC xəbər verir ki, V.Ak Formula 1-in doqquz illik fasilədən sonra İstanbula qaytarmaqdan məmnun olduqlarını bildirib.

Qeyd edilib ki, bütün lazımi işlər vaxtında başa çatdırılıb, ərazi abadlaşdırılıb, reklamlar quraşdırılıb, trasın dizaynı tamamlanır: “İstanbul bələdiyyəsi bu işdə bizə çox kömək etdi. Formula 1 dünyada çox populyardır, hətta futboldan daha populyardır. Bu səbəbdən İstanbulu və Türkiyəni populyarlaşdırmaq üçün yarışı təqvimə qaytarmaq istəyirdik. Bəlkə də bu il dünya çempionu Türkiyədə müəyyənləşəcək”.

Bildirib ki, Formula 1 rəhbərliyi ilə 2021-ci il mövsümündə Türkiyə Qran-Prisinin keçirilməsi ilə bağlı danışıqlar davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.