İDMAN


Formula 1 və İspaniya şirkəti 360 dərəcə görüntü bucağı ilə video təklif edəcək

Madrid, 21 yanvar, AZƏRTAC

Formula 1 çempionatı gələn mövsümdə İspaniyanın “ The Dream VR” şirkəti ilə birlikdə görüntü bucağı 360 dərəcə olan videohostinq təklif edəcək. Videokanal smart-televizorlar üçün əlavədə öz meydanındakı start düzülüşünün, podiumun və ən yaxşı dövrənin maraqlı təsvirlərini 360 dərəcə görüntü bucağı ilə təqdim edəcək.

“The Dream VR” istifadəçiləri ötən il britaniyalı pilot Lyuis Hemiltonun beşinci dünya çempionu titulunun bayram edildiyi Meksika Qran Prisinin səhnələrinə və Əbu-Dabi Qran Prisinin təsvirlərinə artıq baxıblar.

İspan mənşəli Albert Palay və Pablo İnnoba tərəfindən yaradılmış, mərkəzi ofisi Mayamidə yerləşən, lakin Barselonada ofisləri olan “The Dream VR” şirkəti yazılmış videoya 360 dərəcə görüntü bucağı texnologiyası ilə baxma sistemini təklif edir. Bu sistem televizor, mobil qurğu və virtual reallıq eynəkləri uyğunlaşa bilir.

A.Palay deyib: “Formula 1 kimi avtomobil idmanı üzrə ən populyar və nüfuzlu dünya çempionatı ilə birlikdə işləmək imkanı bizim üçün xoşdur. Lakin ilk növbədə fanatları interaktiv tamaşaçıya çevirməklə, onların Formula 1 yarışlarına baxmasına kömək etmək xoşdur”.

EFE informasiya agentliyinin mənbələrinə görə, bu əlavənin 140 ölkədə 3,15 milyon istifadəçisi var ki, onların da 800 mini İspaniyadadır.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.