İDMAN


Formula E yarışında ilk dəfə trasın LED işıqlandırılması həyata keçiriləcək

Qahirə, 23 fevral, AZƏRTAC

Fevralın 26-27-də Səudiyyə Ərəbistanında Formula E üzrə “Diriyah E-Prix Circuit” dünya çempionatı keçiriləcək.

AZƏRTAC SPA informasiya agentliyinə istinadla xəbər verir ki, yarışların tarixində ilk dəfə yürüş vaxtı trasın LED işıqlandırılması həyata keçiriləcək. Yürüşdə 24 pilot dünyanın ən məşhur şirkətlərinin, o cümlədən “Porshe” və Mercedes-Benz”in istehsalı olan elektrikli idman avtomobillərində yarışacaq.

Səudiyyə Ərəbistanının İdman Media Federasiyası bildirib ki, çempionatı 45 idman jurnalisti işıqlandıracaq. Pilotların və jurnalistlərin COVID-19 testindən keçməsi də təmin edilib.

Formula E dünya çempionatından əvvəl - fevralın 19-20-də Əd-Diriyədə mükafat fondu 30 milyon dollar olan atçılıq yarışları keçirilib.

Oqtay Bayramov

AZƏERTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.